Элвин Хан

Савкьат

Зи чуьнгуьрдин сим атlанва ваз манияр за гьикl лугьун;
Манияркай вучда вуна за ваз зи рикl савкьат ракъун;
Ам тада за ваз хунчадал хунча жуван кьилелди хуьх;
Ягъ тавурай зи рикlиз хал жуван рикlин винелди хуьх;
Чан кlаниди, минет хьуй ваз зи рикl тамир са къерехда;
Гьикьван вуна авуртlан наз валлагь ада вири эхда;
Яхъ капара хьайилахъ югъ гьич са кlусни гар тlакьурай;
Адахъ галаз ширин рахух са сеферни тlар тахьурай;
Гьар нянихъди мичlна вилер яб акала лайладизди;
Вач ахвариз, жуван гъилер адан винел алтадизди;
Кlвал хьурай ваз, Апрелан рикl адаз ухшард авайди туш;
Лап мажнунан Лейлидизди ихьтин савкьат гьич гайди туш!